loading...
admino 19.08.2019
loading...

loading...

loading...

Խոյ

Դուք անհավանականորեն ակտիվ մարդ եք, ով փորձում է ամենուր հասցնել ու բոլորին օգնել։ Ձեր էներգիան, թվում է, հերիքում է բոլորի համար, բայց այն երբեմն չի բավականացնում ձեզ։ Այս առումով լսեք տիեզերքի գլխավոր խորհուրդը՝ «Սովորեք մտածել ինքներդ ձեր մասին»։

Չէ՞ որ դուք ձեր երազանքներն ու սեփական հետաքրքրություններն ունեք։ Ժամանակ գտեք դրանց համար։ Իսկ ավելի լավ է շաբաթական գոնե մեկ անգամ ժամանակ գտեք ու զբաղվեք ձեր սիրելի գործով։ Հավատացեք, առողջ եսասիրությունը հենց այն է, ինչը ձեզ չի բավականացնում երջանիկ կյանքի համար։

Ցուլ

Դուք շատ եք աշխատում, ակտիվորեն հետաքրքրվում եք ձեզ շրջապատող ամեն ինչով և, իսկապես, քիչ բան չգիտեք։ Բայց դա բոլորովին չի նշանակում, որ դուք ավելի խելացի եք, քան ձեզ շրջապատող անձինք։ Ավելորդ ինքնավստահությունն ու անհավանական համառությունը ձեզ ավելի թույլ է դարձնում, քան կարող էիք լինել։ Դրա համար էլ խորհուրդ ձեզ՝ լսեք իմաստուն մարդկանց։

Ձեզ շրջապատող մարդիկ բոլորովին էլ չեն ցանկանում ձեր տապալումը տեսնել ու չեն ուզում ծիծաղել ձեզ վրա։ Նրանք ձեզ երջանկություն են մաղթում, ու դրան հասնելու համար բավական է չանտեսել հուշումները, որոնք կարող են լրջորեն բարելավել ձեր կյանքը։

Երկվորյակներ

loading...

Դուք շփվող ու ընկերասեր մարդիկ եք, ովքեր օժտված են տրամադրություն ստեղծելու զարմանալի հատկությամբ։ Ճիշտ է, երբեմն ձեր շփվող լինելը ձեզ հետ չար կատակ է խաղում։ Ձեր շատախոսությունն ու հատկապես բամբասանքների հանդեպ սերը կարող է լրջորեն վտանգել շրջապատողների հետ ձեր հարաբերությունները։ Այս առումով Տիեզերքի գլխավոր խորհուրդը հետևյալն է՝ մի բացահայտեք ձեր ընկերների գաղտնիքները։

Դուք հեշտ եք լեզու գտնում մարդկանց հետ, և նրանք անկեղծորեն վստահում են ձեզ։ Առավել վիրավորական կլինի նրանց համար իմանալ, որ դուք բամբասում եք նրանց թիկունքում, ավելին, պատմում եք բաներ, որոնք նրանք բացառապես ձեզ են հայտնել։ Մի արեք բաներ, որոնց արդյունքում ստիպված կլինեք մեկընդմիշտ կորցնել ձեր մտերիմներին։

Խեցգետին

Դուք ստեղծված եք ընտանեկան կյանքի համար և ունակ եք երջանկության հասնել միայն սիրելիի հետ ձեռք ձեռքի տված։ Բայց կա մի բան, որը ձեզ խանգարում է գտնել ձեր երկրորդ կեսին։ Դուք շատ ընտրողաբար եք մոտենում ցանկացած հարցի ու սովոր չեք վստահել մարդկանց։ Դրա համար էլ Տիեզերքի խորհուրդը ձեզ համար հետևյալն է.«Ձեր երջանկությունը ձեր կողքին է, պարզապես ավելի ուշադիր նայեք ձեր շուրջը»։

Կյանքը ցույց է տալիս, որ սիրելի մարդը բավականին երկար գտնվում է Խեցգետնի կողքին, քանի դեռ նա գիտակցում է դա։ Պակաս կատեգորիկ եղեք, ձեզ շրջապատող մարդկանց հնարավորություն տվեք, որ ապացուցեն իրենց նվիրվածությունն ու սերը ձեր նկատմամբ։ Դուք նույնիսկ չեք պատկերացնում, թե ինչեր կարող է անել սերը։

Առյուծ

Դուք հիասքանչ մարդ ու լավ ընկեր եք, գերազանց կազմակերպիչ ու հիանալի գործարար։ Եվ միակ բանը, որ այդ տեսարանը փչացնում է, ձեր եսասիրությունն է։ Այս իմաստով վերին ուժերի խորհուրդը ձեզ հետևյալն է՝ մարդկային եղեք մարդկանց նկատմամբ, ու նրանք ձեզ նույն կերպ կփոխհատուցեն։

Իսկապես, իրենց ողջ բարեհոգությամբ հանդերձ՝ Առյուծների շատ պլաններ կյանքում չեն իրագործվում միայն այն պատճառով, որ նրանք անտեսում են իրենց շրջապատի մարդկանց։ Փորձեք փոխել ձեր վերաբերմունքը նրանց նկատմամբ ու կտեսնեք, թե ինչպես է ամենաֆանտաստիկ կերպով փոխվում ձեր կյանքը։

Կույս

Ձեր կազմակերպվածությանն ու շուրջբոլորը կատարյալ կարգուկանոն հաստատելու ունակությանը շատերն են նախանձում։ Միակ բանը, ինչը տանել չեն կարողանում մարդիկ, դա նրանց ավելի լավը դարձնելու ձեր ցանկությունն է։ Դրա հետ կապված՝ Տիեզերքը ձեզ հետևյալ խորհուրդն է տալիս. «Սովորեք մարդկանց ընդունել այնպիսին, ինչպիսին որ իրենք կան՝ իրենց բոլոր թուլություններով ու թերություններով»։

Բոլորն այնքան կատարյալ չեն, որքան դուք։ Ավելին, ոչ բոլորն են ցանկանում աշխատել իրենց վրա ու ավելի լավը դառնալ։ Երբ դուք գիտակցեք դա և շրջապատի մարդկանց թույլ տաք լինել այնպիսին, ինչպիսին կան, դուք իսկապես երջանիկ կդառնաք։ Ավելին, ձեր վերաբերմունքով դուք կերջանկացնեք ձեր շրջապատի մարդկանց։

Կշեռքներ

Դուք մանկությունից ձգտում ունեք դեպի գեղեցիկը։ Միայն թե կյանքը դաժան է, և դրա համար լավ ապրելու համար դուք ստիպված եք ձեր սեփական ցանկությունները մի կողմ դնել ու զբաղվել չսիրած գործով։ Դրա համար էլ խորհուրդը, որը ձեզ տիեզերքը ցանկանում է տալ, հետևյալ կերպ է հնչում. «Զբաղվեք այն գործով, որը ձեզ դուր է գալիս։ Հենց այդ գործում դուք հիրավի հաջողակ կարող եք լինել»։

Կախված մի եղեք մեծամասնության կարծիքից։ Նույնիսկ բարձր վարձատրվող աշխատանքը, որը դուք չեք սիրում, ձեզ երջանիկ չի դարձնի։ Միայն ձեր սիրած գործը կջերմացնի ձեր հոգին ու ձեր կյանք ներդաշնակություն կբերի, իսկ դրա հետ մեկտեղ՝ կգա և բարեկեցիկ կյանքը։

Կարիճ

Դուք շատ գործունյա անձնավորություն եք, ով այս կյանքում կարող է հասնել գործնականորեն իր ցանկացած ամեն ինչին։ Դուք հսկայական ներուժ ունեք, և միայն մի պատճառ կա, ըստ որի՝ դուք չեք կարող հասնել ներդաշնակության։ Դրա համար էլ Տիեզերքը ձեզ խորհուրդ է տալիս սկսած գործն ավարտին հասցնել։ Դա ձեզ կօգնի առավել հաջողակ դառնալ ու թույլ կտա կյանքից առավել շատ հաճույք ստանալ։

Աղեղնավոր

Ձեզ հնարավոր կլիներ համարել մոլորակի ամենաերջանիկ մարդը, եթե մի փոքր դետալ չլիներ։ Դուք հաճախ եք վանում մարդկանց, ովքեր տվյալ պահին ձեզ համար հետաքրքիր կամ օգտակար չեն։ Իսկ դա չափազանց վատ նշան է։ Դրա համար էլ հիշեք Տիեզերքի խորհուրդը՝ «Դողացեք ձեր ընկերների, բարեկամների ու ծանոթների վրա»։

Կյանքն անկանխատեսելի է, ու մենք մեր կյանքի ճանապարհին հանդիպում ենք ամենատարատեսակ մարդկանց հետ։ Այդ կապերը մեզ կարող են օգնել ամենաանսպասելի իրավիճակներում, և դրա համար էլ որքան շատ դուք ամուր ու ընկերական կապեր ձևավորեք, այնքան հեշտ կլինի ձեզ համար լուծել ի հայտ եկած խնդիրները։

Այծեղջյուր

Դուք կազմակերպված ու շատ խելացի մարդ եք, տարբերվում եք բարձր աշխատունակությամբ ու շփվողականությամբ։ Ճիշտ է, կա մի առանձնահատկություն, որը խանգարում է ամենաերջանիկը լինել։ Դուք շատ եք կասկածում ձեր ուժերին ու անհանգստանում եք ամեն մանրուքի համար։ Այս առումով կենսական խորհուրդը ձեզ համար հետևյալն է. «Վերջ տվեք անհանգստանալ ամեն մանրուքի համար»։

Ջրհոս

Ձեր ըմբոստ հոգին անընդհատ նոր մարտահրավերներ է պահանջում։ Դրանում եք դուք գտնում ձեր կոչումը, և, թվում է, թե իսկական երջանկություն եք զգում։ Ճիշտ է, բացարձակ ներդաշնակության համար ձեզ չի հերիքում իսկական ընկերոջ, զինակցի ու դաշնակցի առկայությունը, ով ձեզ կհասկանա ու կաջակցի ամեն ինչում։ Դրա համար էլ Ձեզ տրվող խորհուրդը հետևյալն է՝ հավատարիմ ընկեր գտեք ու երբեք նրան մի դավաճանեք։

Ձեզ պարզապես պետք է մի մարդ, ով կկիսի ձեր գաղափարները, անհրաժեշտ հուշումը կտա կամ պարզապես ձեր մեջ վստահություն կսերմանի։ Փայփայեք այդպիսի մարդու. Չէ՞ որ հենց նրա կողքին դուք կկարողանաք իրագործել ձեր երազանքը։

Ձկներ

Դուք հսկայական ներուժ ունեք և կարող էիք աշխարհի տիրակալը լինել, եթե դադարեք վախենալ ու ցուցաբերել ձեր լավագույն որակները։ Հենց դրա համար էլ Տիեզերքը ձեզ խորհուրդ է տալիս՝ խիզախ եղեք, իրագործեք ձեր ամենախելացնոր երազանքներն ու ուշադրություն մի դարձրեք այն բանին, թե ինչ են ասում շրջապատողները։

Վերջ տվեք հասարակական կարծիքին տուրք տալ։ Գնացեք ձեր ճանապարհով ու ոչնչից մի վախեցեք։ Երբ դուք վայելք կզգաք այն բանից, որ շարժվում եք ձեր երազանքին ընդառաջ, ձեզ այլևս ոչինչ չի կանգնեցնի։ Խիզախությունն անպայման ձեզ երջանկություն կբերի։

Նյութը հրապարակման պատրաստեց 168.am-ը

Facebook Comments
(Visited 1 times, 1 visits today)
loading...
-->

Փակել